Streamingstudio og eigen Podcast!
I løpet av hausten 2024 har vi etablert streamingstudio på NE-S. Studioet er utstyrt med støtte frå Sparebankstiftelsen DNB, der vi har lagt til rette for lyd- og videoopptak, live streaming og redigering av lyd og bilde.
Studioet er tilgjengeleg for våre medlem, som etter opplæring vil kunne bruke dette til å lage eigne filmar, podcasts, eller streame eiga gaming på NE-S.
NE-S ‘n’ Play - Podcast
Vi har også starta vår eigen podcast, med Stian og Ole Kristian bak spakar og mikrofonar. Poden er tilgjengeleg der du høyrer podcasts, og som video-pod på YouTube. Her blir det diskutert gaming, spel og teknologi på ein nedpå og jordnær måte. Sjekk den ut!
GAME ON!
Etter to år med planlegging, oppussing og sporadisk testspel, er endeleg NE-S ope for aktivitet.
På opninga 25.11.23 møtte over 100 personar for å sjekke ut alt me har å tilby. Ordførar, Bjarne Budal, opna senteret med klypping av nettverkskabel og gode ord. Syreleiar, Eirik Mørstad Bråthen, fortalde om reisa så langt, og takka alle våre støttespelerar, sponsorar og frivillige.
I fyrste rekke opnar me for sosiale gamingkveldar på tysdagar for 8.klasse og yngre, og torsdagar for 9.klasse og oppover. Sjå “aktiviteter” og “sosial gaming”. Desse kveldane vil bli brukt til å bygge nettverk og til å finne ut kva folk vil bruke senteret til, og korleis me skal organisere aktiviteten vidare framover.
NE-S er drive av frivillige, og me ynskjer alle som har lyst til å bidra til sosiale gamingmøtepunkt til å bidra. Foreldre er spesielt invitert til å bli med ungane, og til å bidra etter interesse og evne til å utvikle Nettverket E-sportsenter. NE-S er for alle, på tvers av alder, forutsetningar og interesser. Velkomen til NE-S.
Bilete : Susanne Adensfield (Avisa-Valdres)
Publisert: 27.11.23 kl. 21.15
“THE DROP”
Velkomen til offisiell opning av Nettverket E-sportsenter, 25.11.23
Etter eitt års arbeid står senteret klart til bruk. Me startar opp med open dag, der alle som vil er velkomne for å sjekke ut senteret, teste utstyr, registrere seg som medlem og bli kjende med kva me har å by på. Her skal det vere litt for alle, og inngang er gratis.
Arrangementet er frå kl. 12.00-16.00, med opningssermoni kl.13.00 med kabelklypping og opningsord frå ordførar, Bjarne Budal, og tale og informasjon ved styreleiar, Eirik Mørstad Bråthen.
Vidare blir det sal av vaffel, saft og kaffi, ulike konkurransar, og anledning til å melde seg inn i foreininga og registrere interesse for ulike tilbod.
Me har bemanna senteret denne dagen med flinke folk som vil vise fram ulike spel og aktivitetar. Me gjer merksame på at det kan bli ein del folk, og begrensa speletid på kvar enkelt denne dagen.
Frå kl. 17.00 blir det dugnadsfest som dei som har bidrege til etablering av senteret, med servering av pizza og sosial gaming. Det blir sendt invitasjon til dugnadsfolket.
Publisert: 03.11.23 kl. 12.00
Sumaropent NE-S
NE-S sine lokale i Vindevegen gjennomgår ei ny runde med oppussing for å tilfredstille brannkrav og universell utforming. Arbeidet er venta å vere ferdig i haust, der heile senteret vil vere klart for langvarig gamingbruk.
NE-S har difor flytta store delar av utstyrsparken og held sumaropent i Ungdomens kulturhus Gapahuken på torsdagar gjennom heile sumarferien, frå kl. 17-21. Tilbodet er ope for alle, og gratis! Her kan du prøve ut ulikt utstyr, handle i kiosken, og snakke med oss gaming, og om kva som skal skje framover. Tilbodet er for alle, og me ser gjerne at foreldre og vaksne også kjem innom for å spele saman med dykk eller oss.
Me tilbyr m.a. spel på PS5, Xbox series X, Nintendo Switch, PC, Farming Simulator og SimRacing.
Publisert: 29.06.23 kl. 15.45